افغانستان سیلاولریده رقابت قیزیقلیگی

افغانستان ده سیلاولر نی آرقه گه تشله نیشی، فکریمیزچه تصادفی بیر امر ویا رسمیلرنینگ ایتیشیچه مالی کمچیلیک لر باعث بولمسه کیره ک. چونکه آرقه گه تشله نیشی بیلن اوشبو ریجه نینگ مالی خرجتی گه هیچ قندی بیر تاثیری یوق. مشخص بیر برنامه بیلن پلان آلینگنده بو موضوع معمالیکدن چیقیشی ممکن. بو ییرده فکریمیزچه بیر تکتیک موجود. شونقه کی، اوچ آیلیک بوشلیکدن استفاده ایتیش تکتیگی. کوریلیشیچه شو عمل اولکه میزده بیر عنعنه گه اینلیب قالگن. ینه قچانگه چه دوام ایتیشی هم انیق ایمس.

شو توغریده افغانستان ده جمهوررئیسلیک و ولایتی شورا سیلاولری نینگ اساسی قانونده تعین ایتیلگن وقتدن اوچ آی آرقه گه تشلنیب اسد آیی نینگ 29. سیده یولگه قویلیشی تصدیقلندی. شو اساسده سیلاولر اوچون روی خط دن اوتکزیش دستوری ثورآیی نینگ بیشنچیسده رسماً باشلنیب عینی آی نینگ 18. سیده نهایه لنیشی کوتیلماقده.

ادامه مطلب

تقدیر ایکن

توخته­یدیلر

و "تقدیر ایکن" دییدیلر

اورمیدیلربیر مشت بولیب

زنجیرلرنی سیندیرمیدیلر

هیقیرمیدیلر

بیر سیس بولیب ییرتمیدیلر

آسمان نینگ کوکسینی

و"تقدیر ایکن" دییدیلر

مین اوز کوزلریم بیلن کوردیم

تقدیر دیگن نرسه نی

زمان تامارلریدن

سکین سکین ایمر ایکن

امیدلرنینگ قانینی

بو ایکن تقدیر دیگنلری

 

4 ثور 1388 - کابل

میترسم

خیالهای زرینم را در سینه ای زمان نهاده ام

تا روزی به نهال آرزوهایم

پیوند حقیقت زنم.

اما افسوس!

زمان نیز قطره قطره آب شد

واز پله های مژگانم

برریگستان نا امیدی فرو ریخت.

من نیک میدانم،

این همه درد و اندوه و غم

که چون دود یک سیگار

بر رگ رگم احساس میکنم

ذره ذره مرا خاکستر میکند.

 اینک می بینی؟

دستانم از خون خورشید آلوده است

و دارد خاموش میشود

همه ای ستاره ها در چشمانم.

و من

دارم میلرزم

گمراه

چون ابر ها

و چون یک طفل تنها

میترسم

 میترسم از آن لحظه ای

که در گورستان آرزوهایم

آهنگ نا امیدی سرایم

 

 

11 حمل 1388

تخار

ریجه لنگن جنایتلر - 2

تروریزم بیر عکس العمل می؟

رابرت سلاتر و میکائل ستول کبی  ترور حقیده  فکر یوریتکن ایریم نظریه چیلر IRA  (ایرلاند جمهوریتچی اردو سی) نینگ فعالیتلری نی نظرده توتیب تروریزم نی اصلی ده عمل دن کوبراق بیر عکس العمل بولگن لیگینی اورغولب تروریزم فعالیتلریگه مشروعیت بیریشگه اینتیلگنلر.

ایتیب اوتیش کیره ک کی، تروریزم عادتاً انسانلر نینگ ایرکینلیک و حتی یشام حقلری کبی اینگ طبیعی حقلرینی تخریب ایته یاتگن بیر عمل دیر، شونَقه عمللر نینگ مشروع لیگی قه ییرده؟ باشقه چه قیلیب ایتسک؛ دهشت ساچکن و یا وحشی بیر عمل بولگن تروریزم قنقه بیر عمل نینگ عکس العملی بولیشی کیره ک؟ حال بوکی ترور قربانی بولگنلر کوپینچه گناه سیز کیشی لردن عبارت. 

ادامه مطلب

ریجه لنگن جنایتلر

ترور و تروریزم اطرافیده قیسقه بیر نظر    (1)

اگر قیسی بیر خصوصده گپله ماقچین بولسک همه دن آلدین اونینگ تعریفی اوستیده تور ماق اصولی بیر امر دیک کورینه دی. بحث موضوعی ترور و تروریزم بولگنده تعریفی انچه هم قولَی بولمه سه کیره ک. چونکه شو خصوصده هنوز بیر فکر بیرلیگی گه اوچره ش ممکن ایمس.

سوزلیکلرده ترور کلیمه سی دهشت ساچکن و یا وحشی بیر عمل دیب ایتیله دی. سونگده گی – یزیم قوشیمچه سی ایسه، لاتینچه ده بیر عمل نینگ ترماغیگه قوشیلیش تیزیمی اوچون قوله نیله دی.

دیمک که تروریزم دهشت ساچیش ترماغیگه قوشیلیش آیینی ویا تیزیمی معنی سیده دیر. شوحالده ترورنینگ ویاعموماً آلگنده تروریزم نینگ خلق ارا مشخص بولگن تک بیرتعریفی بولیشی کیرک؛ اما وضعیت شوندی ایمس.

ادامه مطلب

تورتلیک

 مئینمن اول حسرت چئیکیب هم آه و افغان ائیله گن

کوز یاشیمنی یئر گه توکیب سیل و طوفان ائیله گن

قول – ایاق باغلی توشیب زندانده ییغلر من اوزیم

دردلریمنی کوکسیم ایچره قید زندان ائیله گن

 

قرانغولر قوچاغیده

نه بئیزه گن آسماننی یولدوزلر

نه ده آی دن بیر اثر

نه بیر تانچی نور

قویاش نینگ جومراغیدن توشر

نه ده بیر امید

قرانغولر زنجیرینی سیندیرر

ای اوستیم گه چوکگن قرانغولر!!!

قنچه ساووق

قنچه قتتیغ

قنچه منفور قوچاغینگ بار!

 

خیاللر و …

یاغدو،

پارلاق،

ائیرکین،

چرایلی،

قورقمس

و

تینمس باله لیک خیاللریم

یولدوز بولیب،

کوکگه چیقیب،

قویاش بولیب

بولوتلر نی

آی نی

و

قرانغولرنی

یوتیب یورگن آرزولریم

زمان نینگ کوکسیده سقله نگن ایدی

و

بوگون:

زمان نی هم یوقه تتیم

 

 

10. 02. 2009

 

حکایه

"اصولاً اجراات ..."

 

آقشم نیمه ایش قیلیشیم کیره ک بولگنلیگی حقیده اویلب تورگن ایدیم. بیر دن تیلفونیم نینگ زنگی بیلن سیلکینیب اوزیمگه کیلدیم و تیلفونگه جواب بیردیم. تیلفونده گی، مین اوچون اوته کوپ محترم بولگن دوستم احسان الله خان ایدی. آقشم گه مینی اوز اوییگه دعوت ایتدی. مین هم ایرتنگی کون نینگ جمعه رخصتی سی بولگنلیگیدن می، یوقسه احسان الله کبی یخشی بیر دوست بیلن صحبت ایتیش ایسته گیدن می هیچ تردد ایتمی قبول ایتدیم.

اوزون مدتدن بیری احسان الله نی کورمگنلیگیم باعث، وقتراق باریب، او بیلن سطرنج اوینب صحبت ایتیش اوچون بیر بهانه آختریب تورگندیک دستی بیر تکسینی توختتیب یولگه توشدیم.

ادامه مطلب

اخبار

 شور تپه ولسواللیگی اهالیسی نینگ حقلی طلبلری

اوتکن کونی شورتپه ولسواللیگی اهالیسی بیر جمغرمه آرقه لی مکتبلرده اوز آنه تیللری بیلن درس کوریش طلبلرینی تیلگه کیلتیردیلر. بلخ ولایتی گه تیگیشلی بولگن شور تپه ولسواللیگی ده کوپلب تورکمن لر حیات کیچیر ماقده. اوشبو ولسواللیک ده گی تورکمن اهالی دولت نینگ یتتی ییل بوییچه تورکمن تیلی خصوصیده هیچ قندی کوزگه کورینرلی بیر ایش قیلمگن لیگی و تورکمن تیلی نی رواجلنتریش خصوصیده ضعیف قالگن لیگی اوچون تنقیدلب چیقدیلر.

ایتیب اوتیش کیره ک که افغانستان اساسی قانونیده اوزبیک و تورکمن تیللری اوچینچی درجه ده رسمیت تاپگن. اما یتتی ییل دن بیری بو تیللر نینگ رواجلنیشی توغریسیده گی فعالیتلر ییترلی بولمگن. بو توغریده جدی و موثر برنامه لر نینگ یوق لیگی و بو تیللر بیلن درس بیره دیگن اوقیتوچی لرنینگ ییتیشتیریلمگن لیگی دولت نینگ اینگ مهم کمچیلیک لریدن سنیله دی.